اقتصادی راہداری منصوبے نال بلوچستان دی اہمیت ودھ گئی ہے، پاکستان کوں اندرونی خطرات تے زیادہ توجہڈیونڑ پوسی ،بلو چستان وچ بھارتی تخریب کاری اتے مداخلت دے ثبوت موجود ہن مسلم لیگ (ن) دے رہنماء اتے رکن قومی اسمبلی چوہدری اسد الرحمن دی میڈیا نال گالھ مہاڑ

اسلام آباد (پاکستان نیوز پوائنٹ 17اگست 2016ء) مسلم لیگ (ن) دے رہنماء اتے رکن قومی اسمبلی چوہدری اسد الرحمن آکھیا ے جو اقتصادی راہداری دے منصوبے نال بلوچستان دی اہمیت ودھ گئی ہے، پاکستان کوں اندرونی خطرات تے زیادہ توجہ ڈیونڑ پوسی ،بلوچستان وچ بھارتی تخریب کاری اتے مداخلت دے ثبوت موجود ہن۔

بدھ کو ںپارلیمنٹ ہائوس دے باہر میڈیا نال گالھ مہاڑ کریندے ہوئیں انہاں آکھیا جو پاک چین اقتصادی راہداری منصوبے نال ملک معاشی ترقی کریسی جڈانجو عوام کوں روزگار دے مواقع میسر آوسن، ایں منصوبے نال بلوچستان دیاں محرومیاں کوں مکایا ویسی جڈانجو منصوبے

نال بلوچستان دی اہمیت ہو ر زیادی ودھسی ۔

انہاں آکھیا جو موجودہ حالات وچ پاکستان کو ںاندرونی خطرات تے زیادہ توجہ ڈیونڑ پوسی، اساکوں ملکی ترقی سانگے ہک مٹھ تھی تے اگو تے ودھنڑ اپوسی۔

انہاں آکھیا جو بلوچستان وچ بھارتی تخریب کاری اتے مداخلت دے واضح ثبوت موجود ہن ، پہلی واری بھارتی ملٹری آفسر بلوچستان توں پکڑا گئے،بھارتی نیٹ ورک کوں تروڑن سانگے سرتروڑ کوشش کرنڑ پوسی ۔

انہاں آکھیا جو بھارت بوکھلاہٹ دا شکار ہے ، مقبوضہ کشمیر وچ آزادی دی تحریک زور پکڑ دی پئی ہے جیندی وجہ نال بھارتی وزیراعظم بے سروپا بیانات ڈیندے پن ۔