اسلام آباد (پاکستان نیوز پوائنٹ 27مارچ2017ء) پارلیمنٹ دی پبلک اکاﺅنٹس کمیٹی دی ذیلی کمیٹی بھارہ کہو ہاﺅسنگ سکیم دے حوالے نال ہاﺅسنگ فاﺅنڈیشن توںمحکمانہ انکوائری دی رپورٹ طلب کرگھدی جڈاں جو نیب کوں ہدایت کیتی ہے جو ایں معاملے دی فوجداری تحقیقات کرتے 2 اپریل تئیںرپورٹ پی اے سی اچ جمع کرائی ونجے۔
کمیٹی دا اجلاس سنوار کوں سینیٹر مشاہد حسین سید دی زیر صدارت تھیا۔ اجلاس اچ رکن قومی اسمبلی ڈاکٹر عارف علوی ‘ شاہدہ اختر علی اور سینیٹر اعظم خان سواتی دے علاوہ متعلقہ سرکاری اداریں دے اعلیٰ افسراں شرکت کیتی۔
اجلاس اچ کیپٹل ایڈمنسٹریشن اینڈ ڈویلپمنٹ (کیڈ) دے 2011-12دے آڈٹ اعتراضاں دا جائزہ گھدا گیا۔دوران اجلاس سینیٹر اعظم خان سواتی آکھیا جو غریب سرکاری ملازماں کوں زمین دی الاٹمنٹ دے ناں تے لٹیا گیا۔
01 ارب روپیہ لوٹنڑ آلے 10کروڑ روپے مقدمہ بازی تے لاتے صاف شفاف
تھی تے پھردے ہن۔ انہاںآکھیا جو ساڈھے ترائے توں چار لکھ روپے فی کنال دی بجائے 8لکھ روپے فی کنال زمین ملھ گھدی گی۔
ساڈھے ترائے یا چار سو کنال اراضی ہووے تاں اے رقم چار ارب روپے توں ودھ بنڑ دی ہے ۔انہاں آکھیا جو سرکاری خزانے توں پرائیویٹ ہاﺅسنگ سوسائٹیاں کوں رقم کیویں ڈتی ونج سگدی ہے ۔
آڈٹ حکام پی اے سی کوں ڈسایا جو ہک ہی پراجیکٹ دی زمین ڈومرحلے اچ گھدی گی ۔اے منصوبہ 2009اچ شروع تھیا‘ ترائے ہزار کنال زمین 9 لکھ 50 ہزار روپے دے حساب توں گھدی گی ۔
اے رقم 2 ارب 50کروڑ بنڑدی ہے۔ جیں اچ ہک ارب 85کروڑ رقم کنٹریکٹر کو ں ادا کرڈتی گی ۔ زمینی حقائق اتے شواہد دے مطابق اے زمین 75 ہزار توں ہک لکھ روپے کنال تئیں ہئی ۔
2013ءاچ ایندی تحقیقات شروع تھی ۔ معاملہ نیب اچ وی رہیا ۔ نیب ‘ ہاﺅسنگ فاﺅنڈیشن اتے کنٹریکٹر وچال طے پاونڑ آلی کریمنل انویسٹی گیشن کائناں کیتی ویسی ۔