امریکی شہر نیو یارک اچ یوم پاکستان دے حوالے نال تقریب دا انعقاد ،اقوام متحدہ دے سیکر ٹری جنرل انتونیو گوتریس دی خصوصی طور تے شرکت
اسلام آباد (پاکستان نیوز پوائنٹ 24مارچ2017ء) پوری دنیااچ امریکا اچ وی یوم پاکستان ملی جو ش تے جذبے نال منایا گیا۔ امریکی شہر نیو یارک اچ پاکستانیاں یوم پاکستان کوں ملی جوش و جذبے نال منایا ، ایں سلسلے اچ ہک تقریب دا اہتمام کیتا گیا جیں اچ اقوام متحدہ دے سیکرٹری جنرل انتونیو گوتریس خصوصی طور تے شرکت کیتی ، اقوام متحدہ اچ پاکستان دی مستقبل مندوب ملیحہ لودھی انہاںدا خیرمقدم کیتا۔
یوم پاکستان دے حوالے نال ایں تقریب دا آغاز تلاوت قرآن پاک نال تھیا جیں دے بعد ملیحہ لودھی صدر ممنون حسین اتے نیویارک اچ تعینات پاکستانی قونصلر راجہ
علی اعجاز وزیراعظم محمد نواز شریف دے پیغام پڑھ تے سنڑائے۔
تقریب دے دوران ملیحہ لودھی قیام پاکستان سانگے قربانیاں ڈیونڑ تے قائد اعظم محمد علی اتے بر صغیر پاک و ہند دے مسلمانوں کوں خراج تحسین پیش کریندے ہوئیں آکھیا جو اپنڑے قیام توں اج تئیں پاکستان بہوں ترقی کیتی ہے لیکن ہنڑ چیلنج حل طلب ہن ۔
ایں موقع تے اقوام متحدہ دے سیکرٹری جنرل انتونیو گوتریس آکھیا جو پاکستان خوبصورت ملک ہے اتے یوم پاکستان دی تقریب اچ شرکت نال ودھ ساری خوشی تھی ہے ۔
انھاں آکھیا جو پاکستان مہاجراں دی میزبانی اچ ساریں توں اگی تے رہیا ہے ۔