قومی اسمبلی دے رکناں ولوں سعودی عرب اچ پاکستانیاں کوں پیش آونڑآلے مسلیاں دے حل سانگے سفارتخانے کوں متحرک کرنڑ دا مطالبہ
اسلام آباد (پاکستان پوائنٹ نیوز 03 -اگست 2016ء) قومی اسمبلی دے رکناں سعودی عرب اچ پاکستانیاں کوں پیش آونڑآلیاں مسلیاں دے حل کیتے سفارتخانے کو ںمتحرک کرنڑ اتے حکومت ولوں سنجیدہ نوٹس گھنڑ دا مطالبہ کیتے ۔
بدھ کوں قومی اسمبلی دے اجلاس اچ شگفتہ جمانی آکھیا جو باہرلے ملک پاکستانیاں کوں مسلیاں داسامنڑاں ہے ۔ سعودی عرب اچ راہونڑ آلے پنڈی دے ہک واسی شاہد اقامہ دی تجدید
نہ تھیونڑپاروں خودکشی کرگھدی ہے ۔
عبدالغفار ڈوگر آکھیا جو کجھ باہرلے ملک دیاں کمپنیاں دے اکائونٹس کوں اتھاں حکومت روک رکھیا ہے ۔ ایں پاروں پاکستانی مزدور متاثر تھئے ہن ۔
جیکر اتھاں دیاں حکومتاں توں اعلیٰ سطح تے مسئلے کوں چاتا ونجے تاں مسئلے حل تھی سگدے ہن ۔ صاحبزادہ محمد یعقوب آکھے جو سعودی عرب اچ پاکستانی اوکھ دا شکار ہے اتے بہوں مندے حال اچ ہن ۔