ابوظہبی: بوگس چیک دے کے کار دی مہنگی نمبر پلیٹ مُل لین والے اماراتی شہری نوں عدالتی کارروائی دا ساہمنا کرنا پے گیا
ابوظہبی(پاکستان پوائنٹ نیوز08۔فروری2017ء) ابوظہبی دی عدالت وچ بوگس چیک دے کے مہنگی ترین نمبر پلیٹ مُل لین والے اماراتی شہری نوں عدالتی کارروائی دا ساہمنا کرنا پے گیا۔
تفصیل دے مطابق اماراتی شہری نے کار نمبر پلیٹ نیلامی وچ 01دانمبر مُل لیا سی پر مڈھلے پیسے دین مگروں اوہنے بقایا پیسیاں لئی چیک دے دِتا سی جو کیش کروان لئی گھلیا گیا پر اوہ کیش نہ ہو سکیا۔
اماراتی
شہری نے عدالت وچ مَنیا کہ اوہنے بوگس چیک دِتا سی تے اوہ ایہ نمبر پلیٹ نیلامی وچ مُل لینا چاہندا سی تاں جے بہتا منافع کما سکے۔
ذکر کیتے گئے بندے دا کہنا یس کہ اوہنے کار نمبر پلیٹ نومبر دی نیلامی وچ مُل لئی سی۔ اوہدا کہنا سی کہ میرا خیال سی کہ میں نمبر پلیٹ 31ملین درہم وچ ویچ لواں گا پر انج نہیں ہو سکیا۔
دوجے پاسے ملزم خلاف کیس دی سنوائی جاری اے۔