استنبول: نائٹ کلب وچ دہشت گردی دا شکار لبنانی سوانی دی اپنی موت بارے پیشنگوئی میں اک بم دھماکے وچ ماری جاواں گی تے ماں پچھے ٹُر جاواں گی: نائٹ کلب جان توں پہلے ریتا دی فیس بک پوسٹ
انقرہ(پاکستان پوائنٹ نیوز03۔جنوری2017ء) ترکی دے شہر استنبول وچ نویں سال دی تقریب دے دوران اک نائٹ کلب اُتے داعش دے حملے وچ ہلاک ہون والی اک لبنانی سوانی نے اپنے ملکوں ٹُرن توں پہلے فیس بک اُتے ایسی گل پوسٹ کیتی سی جہدے وچ اپنی موت دی پیشنگوئی کر دِتی سی۔
غیر ملکی خبر رساں ادارے دے مطابق ریتا شامی دی ماں چھاتی دے خطرناک روگ دا شکار ہو کے چار مہینے پہلے ایس دنیا توں ٹُر گئی چلی گئی۔
ریتا نے اپنی
فیس بک اُتے لکھیا، امید اے اسیں ترکی وچ بھرپور مزا کراں گے پر بدترین حادثا ایہ ہو سکدا اے کہ میں اک بم دھماکے وچ ماری جاواں گی تے ماں پچھے ٹُر جاواں گی۔
ریتا نے فیس بک اُتے موت بارے اک نظم وی پوسٹ کیتی سی تے اوہدے وچ لکھیا سی۔’اوہ ہمیشہ موجود نیں تے اوہ ہمیشہ ساڈے وچکار تے آل دوال موجود نیں‘۔
اوہنے کئی دوجیاں پوسٹاں وچ اپنی ماں دے ایس دنیا توں ٹُر جان اُتے ہرکھ دا وکھالا کیتا سی۔