بھارت:مغربی ریاست بنگال وچ فوج تعینات کر دِتی گئی
کولکتہ(پاکستان پوائنٹ نیوز02۔دسمبر2016ء) بھارت دی مغربی ریاست بنگال وچ فوج تعینات کر دِتی گئی، ریاستی وزیر اعلا ممتا بینر جی نے فوج دی تعیناتی دی مخالفت کردے ہوئے آکھیا اے کہ صوبے وچ فوج دی تعیناتی سیاسی انتقام اے، جدوں تیک فوج واپس نہیں جاندی دفتروں گھر نہیں جاواں گی۔
تفصیل دے مطابق جمعرات نوں بھارتی میڈیا دے مطابق مغربی ریاست بنگال وچ فوج تعینات کر دِتی
گئی اے۔ ریاستی وزیر اعلا ممتا بینر جی دا کہنا اے کہ ریاست دی وزیر اعلا آں، بغیر اجازت فوج تعینات کیتی گئی، جدوں تیک فوج واپس نہیں جاندی دفتروں گھروں نہیں جاواں گی۔
اوہناں دا کہنا سی کہ صوبے وچ فوج دی تعیناتی سیاسی انتقام اے۔ اوہناں نے آکھیا کہ مرکزی حکومت نے اجازت دے بغیر ہائی وے اُتے فوج تعینات کیتی، صوبے وچ فوج دی تعیناتی وفاق تے جمہوریت اُتے حملا اے۔