سعودی عرب وچ عید دا چن نظر آ گیا
ریاض( پاکستان پوائنٹ نیوز14۔جون2018ء ) یو اے ای مگروں سعودی عرب وچ عید دا چن نظر آ گیا۔ تفصیل مطابق سعودی، متحدہ عرب تے ترکی سنے کئی ملکاں وچ کل نکی عید منائے جائے گی۔
میڈیا رپورٹس مطابق متحدہ عرب امارات دے ماہر فلکیات نے جدید ٹیکنالوجی نال دن دی تیز روشنی وچ شوال دا چن لبھ کے مسلم دنیا نوں حیران کر دتا اے۔
عرب میڈیا دا کہنا اے کہ ماہرین فلکیات نے متحدہ عرب امارات دے شہر العین دی پہاڑی حفیت اُتے اجلاس
دوران چن لبھیا۔
شوال دے چن نوں دوپہر اک وجکے 53منٹ اُتے فلکیاتی تکنیک آسٹرو فوٹو گرافی دی مدد نال لبھیا گیا۔ جو 3وجکے 43منٹ تیکر ویکھیا گیا۔
عالمی ماہر فلکیات نے جبل حفیت اُتے شوال دے چن نظر آن دیاں شہادتاں اکٹھیاں کیتیاں۔ خلیج ٹائمز مطابق متحدہ عرب امارات وچ چن نظر آن دا حتمی اعلان یو اے ای دی رویت ہلال کمیٹی ای کرے گی۔
میڈیا اطلاع مطابق ترکی وچ 30روزیاں مگروں کل عید منائی جائے گی۔