11ورھیاں دے بال نے ’خدا تے سائنس‘دی تھیوری اُتے مشہور سائنسدان سٹیفن ہاکنگ نوں غلط ثابت کر دتا

امریکا( پاکستان پوائنٹ نیوز28۔مئی2018ء ) 11ورھیاں دے بال نے ’خدا تے سائنس‘دی تھیوری اُتے مشہور سائنسدان سٹیفن ہاکنگ نوں غلط ثابت کر دتا۔

گیارھاں ورھیاں دی عمر وچ جتھے عام بال ڈاکٹر، انجینئر تے پائلٹ بنن دے خاب ویکھدے نیں اوتھے اک گیارھاں ورھیاں دے بال نے پوری دنیا نوں حیران کر دتا اے۔

گیارھاں ورھیاں دے ذہین ترین بال نے خدا تے سائنس دے معاملے اُتے مشہور سائنسدان سٹیفن ہاکنگ دے مطالعے نوں غلط ثابت کر دتا۔

ولیم میلس نامی ایہ گیارھاں ورھیاں دا بال اپنی عمر دے اعتبار نال بہت ذہین تے قابل اے۔ ولیم نے ست مہینیاں دی عمر وچ ای بولنا شروع کر دتا سی تے 9سال دی عمر وچ ولیم نے ہائی سکول توں گریجویشن کر لیا تے ہن اک کمیونٹی کالج وچ پڑھ رہیا اے۔

ایس اعتبار نال ولیم نوں امریکا وچ سبھ توں گھٹ عمر دا یونیورسٹی پڑھیار(طالبعلم) ہون دا اعزاز حاصل اے۔ ولیم نے اپنی ذہانت نال مشہور سائنسدان سٹیفن ہاکنگ دی اوس تھیوی نوں غلط ثابت کر دتا اے، جیہدے وچ سٹیفن نے دعوا کیتا سی کہ کائنات وچ خدا دا وجود نہیں اے۔

اک پروگرام دوران ولیم نے آکھیا کہ جے اسیں تھیوری ریلٹیویٹی

دی گل کرئیے تے آئن سٹائن توں تے سارے جانو نیں۔ آئن سٹائن نے اپنی تھیوری وچ آکھیا کہ زماں و مکان وچ ہٹاؤ کشش ثقل دی وجہ توں اے۔

جے ایہ گل ٹھیک اے تے کشش ثقل دی غیر موجودگی یاں زما ں و مکاں دی غیر موجودگی وچ پوری طرحاں کشش ثقل دا راج ہونا چاہیدا کیونکہ بہاؤ دے قانون دی وجہ توں شیواں اجیہے مقام ول جان گیاں جتھے مزاحمت گھٹ ہوئے۔

پر جے مزاحمت موجود نہ ہوئے تے ایہ مقام پوائنٹ آف لیسٹ ریسٹنس آکھوائے گا۔ ایس لئی زماں و مکان دی عدم موجودگی وچ کشش ثقل ای باقی بچے گی۔

بلیک ہولز وچ زماں تے مکان موجود نہیں ہوندے ،اوہناں دی کشش ثقل توں کجھ وی نہیں ایتھوں تیکر کہ روشنی وی نہیں نکل سکدی۔

ہور ایہ کہ جے ساری کائنات، مادہ زماں و مکان تے ہگز فیلڈ اُتے مبنی اے تے فیر کائنات توں باہر جو کُجھ وی ہوئے گااوہ لازمی طور اُتے زمان و مکان توں مبراء ہوئے گا۔

ایس صورت وچ جتھے کائنات absolute void(عدم)وچ نہیں کھلر رہی، اوہ اصل وچ ڈِگ رہی اے۔ جے اسیں ویلے دے شروع دی گل کرئیے تے سانوں ساریاں نوں پتا اے کہ کائنات دی وی اک عمر اے جو 13.8بلین سال منی جاندی اے۔