مکہ مکرمہ: 10ورھیاں دے غیر ملکی شہری نے 25ورھیاں دے سعودی شہری نوں قتل کر دتا
مکہ مکرمہ( پاکستان پوائنٹ نیوز22۔مئی2018ء ) سعودی عرب وچ 18ورھیاں دے فلسطینی نوجوان نے 25ورھیاں دے سعودی نوجوان نوں سرعام قتل کر دتا۔
سعودی ابلاغ وسیلیاں مطابق مکہ مکرمہ دے الخانسہ محلے وچ معمولی جھیڑے اُتے 18ورھیاں دے فلسطینی نوجوان نے 25ورھیاں دے سعودی نوجوان نوں لوکاں ساہمنے قتل کر دتا۔
فلسطینی نوجوان مملکت دے جنوبی علاقے وچ پڑھدا سی۔نوجوان گرمیاں دیاں چھٹیاں
گزارن لئی اپنے وڈیرے ماں پیو نوں ملن مکہ مکرمہ آیا ہویا سی۔
عینی شاہداں مطابق واردات کرن والا ملزم اک نُکرے لگ کے سعودی نوجوان نوں فٹبال کھیڈدے ویکھ رہیا سی۔ اچانک سعودی شہری نے اگانہ ودھ کے اوہنوں چپیڑ ماری، جیہدے مگروں دوویں ہتھوں پائی ہو گئے۔
فلسطینی شہری نے تیز دھار آلے نال وار کر کے سعودی شہری نوں قتل کر دتا۔ پولیس نے فلسطینی شہری نوں گرفتار کر لیا۔