دنیا دا سبھ توں وڈا ہوائی جہاز سعودی شہر دمام اپڑ گیا
دمام(پاکستان پوائنٹ نیوز07۔اپریل2018ء) شاہ فہد انٹرنیشنل ائر پورٹ اُتے دنیا دے سبھ توں وڈے کارگو جہاز انتونوف نے لینڈ کیتا، جہاز دا وزن 600ٹن اے جیہنوں 1988وچ تیار کیتا گیا سی، جہاز روسی خلائی شٹل ’بوران‘ نوں لے جان لئی بنایا گیا سی۔
میڈیا رپورٹس مطابق انتونوف نامی جہاز دی گنتی دنیا دے سبھ توں وڈے ہوائی جہاز وچ ہوندی
اے جو گنیز بک آف ورلڈ ریکارڈ وچ وی درج اے۔
ہرکیولس جہاز دے 6انجن نیں جو اوہدے پراں نال جوڑے گئے نیں۔ جہاز دے پہیاں دی گنتی 32اے تے دیوہیکل جہاز نوں بنے 30ورھے ہو گئے نیں۔
20ورھے روسی فوج دے استعمال ہیٹھ رہن مگروں ایہنوں فیر اوور ہال کر کے کمرشل بنیاداں اُتے کارگو جہاز دے طور اُتے مارکیٹ کیتا گیا اے۔