چین دا امریکی الزاماں خلاف پاکستان دی کُھل کے حمایت دا اعلان دنیا پاکستان دیاں دہشت گردی خلاف قربانیاں نوں منے،پاکستان دی دہشت گردی خلاف جنگ وچ غیر معمولی شراکت داری اے، چین پاکستان نال اپنا تعاون ودھان نوں تیار اے: ترجمان چینی وزارت خارجا
بیجنگ(پاکستان پوائنٹ نیوز02۔جنوری2018ء) چین نے امریکا ولوں پاکستان اُتے لائے گئے الزاماں خلاف پاکستان دی کُھل کے حمایت دا اعلان کیتا اے۔
ترجمان چینی وزارت خارجا نے آکھیا اے کہ دنیا پاکستان دیاں دہشت گردی خلاف قربانیاں نوں منے،پاکستان دی دہشت گردی خلاف جنگ وچ غیر معمولی شراکت داری اے، چین پاکستان نال اپنا تعاون ودھان نوں تیار اے، پاکستان تے افغانستان دے مفاد اکو جہے نیں۔
میڈیا
رپورٹس مطابق چین نے پاکستان دیاں دہشت گردی خلاف قربانیاں دا اعتراف کردے ہوئے دنیا نوں پیغام دتا اے کہ عالمی انسداد دہشت گردی جنگ وچ پاکستان دی غیر معمولی شرکت داری اے۔
پاکستان نے دہشت گردی خلاف بہت قربانیاں دتیاں۔ چین دہشت گردی خلاف پاکستان دیاں قربانیاں نوں قدر دی اکھ نال ویکھدا اے۔ ترجمان چینی وزارت خارجا نے آکھیا کہ دنیا پاکستان دیاں دہشت گردی خلاف قربانیاں نوں منے۔