طارق پیرزادہ نے اک وار فیر بھارت نوں مونہ توڑ جواب دے دتا

نویں دِلی(پاکستان پوائنٹ نیوز27۔دسمبر2017ء) کلبھوشن یادیو دے معاملے اُتے پاکستانی تجزیہ کار طارق پیرزادہ نے بھارتیاں نوں اک وار فیر مونہ توڑ جواب دے دتا۔

تفصیل مطابق طارق پیرزادہ نے بھارتی ٹی وی چینل دے لائیو پروگرام وچ آکھیا کہ ایس توں وکھ اک ماں تے بیوی دی قسمت ہور کیہ ہوئے گی کہ اوہدا پُتر تے اک سوانی دا شوہر دہشت گرد اے۔

ایس توں وکھ اوہناں دی بدقسمتی کیہ ہوئے گی کہ اک پُتر تے اک شوہر دہشت گردی کردے پھڑیا گیا اے۔اوہناں دا کہنا سی کہ تہانوں اندازہ نہیں اے کہ

جدوں پٹانکوٹ دا واقعہ ہویا بھارت نے پاکستان اُتے بغیر ثبوت دے الزام لائے، پر پاکستان نے اک دہشت گرد نال اوہدے خاندان دی ملاقات کروا کے انسانیت دی انتہا کر دتی۔

اوہناں دا بھارتی پروگرام وچ کہنا سی کہ تہانوں احسان مند ہونا چاہیدا پر تُسیں ہندو مذہب نوں خطرناک بنا کے تباہ کر دتا اے۔

تہاڈے اندر اخلاقیات دا جنازہ نکلیا ہویا اے۔ اسیں اسلامی اخلاق دا اظہار کیتا۔ پر ہن میں آکھنا واں کہ کلبھوشن یادیو نوں پھاہے لانا چاہیدا سی کیونکہ بھارت اک دہشتگرد ملک اے۔