بھارت نے چین نال جُڑی سرحد تے فوجیاں دی گنتی ودھا دتی
نویں دِلی(پاکستان پوائنٹ نیوز12۔اگست2017ء) بھارت نے چین نال جُڑی سرحد تے فوجیاں دی گنتی ودھا دتی اے۔ بھارت دی سرکاری نیو ز ایجنسی دی اک رپورٹ مطابق نویں دِلی نے چین نال اپنی شمالی مشرقی سرحد تے فوجیاں دی گنتی ودھا دتی اے۔
ناں نہ دسے بغیر اک سرکاری اہلکار نے دسیا کہ سرحد تے موجود فوجیاں نوں خبردار
رہن لئی وی آکھیا گیا اے۔ اہلکار نے ایہ وی آکھیا کہ اوس تھاں تے فوجی دستیاں دی گنتی وچ وادھا نہیں کیتا گیا جتھے بھارت، بھوٹان تے چین دیاں سرحداں ملدیاں نیں۔
ہمالیہ دے پہاڑی سلسلے وچ ایہ تھاں ڈوکلام آکھواندی اے تے ایس علاقے دے اک جھیڑوے حصے تے ایہ تِنے ملک اپنا اپنا حق جتاندے نیں۔