سعودی عرب وچ ایرانی میزائلاں نال حملیاں دا انکشاف
ریاض (پاکستان پوائنٹ نیوز16۔اگست 2016ء) ایرانی میڈیا نے انکشاف کیتا اے کہ یمن وچ حوثی باغیاں ولوں سعودی عرب اُتے ”زلزال3“ نامی جہڑے میزائلاں نال حملا کیتا گیا سی اوہ ایران دے بنے ہوئے سن۔
ایرانی خبر رساں ادارے ولوں ایہ اعتراف اوس ویلے سامنے آیا اے جدوں ایرانی حکومت یمن وچ باغیاں نوں اسلحے دی فراہمی
دیاں خبراں نوں رد کررہی اے۔
جدکہ تہران ولوں یمن وچ آمینی حکومت دا پاسا اُلٹان والے حوثی ملیشیا دی بھرپور حمایت کیتی جا رہی اے۔ یاد رہوے کہ پچھلے ورھے مئی وچ امریکی حکام نے دعوا کیتا سی کہ اوہناں نے اک اسلحے نال بھریا جہاز پھڑیا اے جہنوں خاص طور تے ایران ولوں یمن دے حوثیاں لئی گھلیا گیا سی۔