امریکی شہریاں نے سڑکاں اُتے ہانڈیاں پکانیاں شروع کر دتیاں
امریکا(پاکستان پوائنٹ نیوز21۔جون2017ئ) امریکی ریاست ایریزونا وچ سورج سوا نیز ے اُتے آ گیا۔ تفصیل مطابق امریکی ریاستاں ایریزونا تے کیلی فورنیا جو کہ امریکا دے جنوب مغربی علاقے دا حصہ نیں وچ درجہ حرارت 48ڈگری اُتے پہنچ گیا اے۔ ڈاڈھی گرمی کارن ریاستاں وچ اُڈاناں وی متاثر ہو ئیاں نیں۔ گرمی وچ کھلوتیاں گڈیاں دا درجہ حرارت وی ودھدا جا رہیا اے۔ محکمہ موسمیات نے درجہ حرارت 50ڈگری سینٹی گریڈ تیک
ودھن دی وارننگ جاری کر دتی اے۔ داڈھی گرمی کارن ریاستاں دے واسیاں نے نویں نویں تجربے کردے ہوئے سڑکاں اُتے ای ہانڈیاں پکانیاں شروع کر دتیاں نیں۔ تپدیاں ہوئیاں گڈیاں دے بونٹ اُتے بسکٹ، پیزے تے روٹیاں بنائیاں گئیاں۔ ہن تیک ایہناں ریاستاں وچ 40توں ودھ اُڈاناں منسوخ کر دتیاں گئیاں نیں۔ دوجے پاسے ڈاکٹراں نے شہریاں نوں پانی دی ورتوں بُہتی کرن دا آکھیا اے۔