روزانہ 100 سگریٹ تے 30 کپ کافی پینا واں: شاہ رخ خان

ممبئی (پاکستان پوائنٹ نیوز13۔اگست 2016ء) بالی ووڈ دے کنگ شاہ رخ خان نے دعوا کیتا اے کہ اوہ روزانہ 100 سگریٹ تے 30 کپ چاہ دے پیندے نیں جہدے وجہ توں اپنی صحت دے حوالے نال پریشانی دا شکار نیں۔

تفصیل دے مطابق بالی ووڈ سٹار شاہ رخ خان اپنی دے صحت دے حوالے نال اج کل ڈاڈھے پریشان نیں، جہدا اظہار اوہناں نے اپنے اک انٹرویو وچ کیتا اے ۔

اوہناں دا کہنا سی کہ میں ٹھیک طرحاں سُو نہیں پاندا جہدی وجہ توں صحت دے مسائل نال دو

چار آں کیوں کہ کم دی وجہ توں اپنا خیال گھٹ ای رکھنا واں پر مینوں اپنی صحت دا پہلے توں زیادا خیال رکھنا چاہیدا ہووے گا۔

بالی ووڈ سٹار نے آکھیا کہ دن وچ 100 سگریٹ تے 30 کپ بلیک کافی پی جانا واں جدکہ کئی وار روٹی بُھل جانا واں تے اینا ای نہیں بلکہ فلم دی شوٹنگ لئی جاندے ہوئے ادھ راہ وچ یاد آوندا اے کہ میں پانی نہیں پیتا۔

یاد رہوے کہ اداکار شاہ رخ خان اپنی نویں آن والی فلم دی شوٹنگ دے سلسلے وچ امریکا نیں۔