نشے خلاف جنگ ’جہاد‘ اے: سعودی مفتی اعظم
ریاض(پاکستان پوائنٹ نیوز27۔مارچ2017ء) سعودی عرب دے مفتی اعظم تے اسلامک و ریسرچ کونسل و اافتاءکونسل دے چیئرمین الشیخ عبدالعزیز بن عبداللہ آل الشیخ نے نشے دی روک تھام لئی کوششاں شروع کرن اُتے زور دیندے ہوئے آکھیا اے کہ نشے خلاف جنگ ’جہاد‘ اے۔
میڈیا رپورٹس دے مطابق سعودی مفتی اعظم دا کہنا سی کہ ’قات‘ نامی بوٹی نشے دی ای اک قسم اے۔ہور نشے
والیاں شیواں وانگ اوہدی ورتوں، ترویج تے کاروبار حرام اے۔
اوہناں نے آکھیا کہ نشے دے نتیجے وچ انسانی عقل تے جسمانی صلاحتاں تباہ ہو جاندیاں نیں جو سعودی سماج لئی قاتل زہر اے۔
ریاست دے سارے اداریاں تے لوکائی نوں رلکے اوس زہر دے کھلار نوں روکنا پئے گا۔ مفتی اعظم دا کہنا سی کہ نشہ اک تباہی دا منصوبا اے تے اوہدے خلاف جنگ ’جہاد‘ اے۔