موم بتی دے چانن نال علاج کرن والا ہسپتال

اڑیسہ(پاکستان پوائنٹ نیوز25۔ستمبر۔2018ء) بھارت وچ اک ہسپتال اجیہا وی اے جتھے موم بتی دے چانن تے کئی وار انھیرے وچ روگیاں دا علاج کیتا جاندا اے۔

تفصیل مطابق بھارتی ریاست اڑیسہ وچ موجود اک سرکاری ہسپتال کئی ورھیاں توں بجلی توں محروم اے۔ایہ ہسپتال گھٹ وولٹیج تے جنریٹر نہ ہون ورگے مسئلیاں دا شکار اے۔

ایس ہسپتال وچ موجود ڈاکٹر خطرناک حالت وچ لیاندے گئے روگیاں دا وی انھیرے وچ علاج کرن اُتے مجبور نیں۔ کئی ویلے تے روگیاں نال آن

والا بندہ اپنے نال آپ موم بتیاں چُکی لیندا اے۔

ڈاکٹر کئی ورھیاں توں بجلی دی فراہمی دی منگ کر رہے نیں ۔ اک ڈاکٹر دا آکھنا اے کہ میں ہسپتال وچ روز 200دے نیڑے تیڑے روگی ویکھنا واں۔

ایتھے بجلی دا بہت مسئلا اے ۔ روگی جدوں میرے کول آؤندا اے تے بجلی نہ ہون کارن مینوں مجبوری پاروں اوہنوں انھیرے وچ ویکھنا پیندا اے۔

ڈاکٹر دا آکھنا سی کہ جے بجلی ہوئے تے گھٹ یاں زیادہ وولٹیج آن دی صورت وچ مشیناں خراب ہوندیاں جا رہیاں نیں۔