لاہور: پاکستان دی کبڈی ٹیم وطن واپس اپڑ گئی،انڈیا دے نال کوئی وی محاذ ہووے اسیں جِتاں گے: کپتان ناصر علی
لاہور (پاکستان پوائنٹ نیوز۔30ستمبر 2016) پاکستان کبڈی ٹیم بیچ ایشین چیمپئن شپ جِت کے واپس اپڑ گئی اے‘ قومی ٹیم نے فائنل وچ روایتی حریف بھارت نُوں چارے شانے چِت کر کے بھارت وچ سبز ہلالی جھنڈا لہرایا۔
لاہور دے علاما اقبال انٹرنیشنل ائر پورٹ اُتے میڈیا نال گلبات کردیاں ہویاں کبڈی ٹیم دے کپتان ناصر علی دا کہنا سی کہ جدوں اسیں بیچ
ایشین چیمپئن شپ دے سیمی فائنل وچ کوریا نُوں ہرایا تے ساڈے حوصلے بلند ہو گئے سن۔
کپتان ناصر علی دا کہنا سی کہ انڈیا دے نال کوئی وی محاذ ہووے اسیں جِتاں گے بھاویں اوہ کھیڈ دا میدان ہووے یاں بارڈر دا ہووے بھارت وچ بھارت نُوں چِت کر کے حوصلے ہور اُچے ہو گئے قومی جھنڈا روایتی حریف دے میدان وچ لہرایا تے خُشی دی انتہا نہیں سی۔