ریو (پاکستان پوائنٹ نیوز16۔اگست 2016ء) ریو وچ جاری اولمپکس مقابلیاں وچ پاکستان دا سفر تمام ہو گیا اے۔ پاکستانی اتھلیٹ نجمہ پروین سوانیاں دی 200 میٹر دوڑ دے دوجے راؤنڈ لئی کوالیفائی کرن وچ ناکام رہے۔
نجمہ پروین نے مِتھیا پینڈا 26.
11سکینڈوچ پورا کیتا تے اوہ کل 72 کھڈاریاں دی دوڑ وچوں 70 ویں نمبر اُتے آئے۔ ایس توں پہلے پاکستان جوڈو دے کھڈاری حسین شاہ دوجے راؤنڈ وچ باہر ہو گئے سن، اوہناں نوں 100 کلو گرام دے جوڈو مقابلیاں وچ یوکرینی کھڈاری آرتم بلوشنوک نے شکت دِتی سی۔
پاکستان تیراک حارث بانڈے تے شوٹر منال سہیل وی پہلے ای دن اولمپکس مقابلیاں توں باہر ہو گئے سن۔ 400 میٹر دے دوڑ وچ پاکستانی ایتھلیٹ محبوب علی نے رلت کیتی پر اوہ وی پہلے راؤنڈ توں اگے نہ ودھ سکے۔
پاکستانی شوٹر غلام مصطفی بشیر نے 25 میٹر ریپڈ فائر پسٹل مقابلیاں وچ رلت کیتی سی تے اوہ دوجے مرحلے لئی کوالیفائی نہ کر سکے جدکہ تیراک لیانا سوان 50 میٹر فری سٹائل تیراکی دے مقابلیاں وچ چنگی کارکردگی نہ وکھا سکے جدکہ 400 میٹر دی دوڑ وچ پاکستانی ایتھلیٹ محبوب علی نے رلت کیتی پر اوہ وی پہلے راؤنڈ توں اگے نہ ودھ سکے۔
یاد رہوے کہ ایس وار پاکستان دی ہاکی ٹیم اولمپکس لئی کوالیفائی نہیں کر سکی سی جدکہ کئی ہور کھڈاری دی ایہناں مقابلیاں وچ رلت وائلڈ کارڈ تے براعظمی کوٹے دی بنیاد اُتے ہوئی سی۔
یاد رہوے کہ پاکستان نے اولمپکس مقابلیاں وچ آخری وار میڈل 1984 دے لاس اینجلس اولمپکس وچ ہاکی دے میدان وچ جِتیا سی جدکہ پاکستان دا آخری میڈل 1992 دے بار سلونا اولمپکس دے ہاکی مقابلیاں وچ ای سی جہدے وچ پاکستانی ٹیم نے پِتل دا میڈل جِتیا سی۔