کراچی(پاکستان پوائنٹ نیوز06۔جنوری2017ء) قومی ٹیم دے سابق کپتان شاہد آفریدی دا کہنا سی کہ اوہناں نوں چیئرمین تحریک انصاف عمران خان توں کُجھ ہور طرحاں دیاں امیداں نیں۔
تفصیل دے مطابق کراچی وچ میڈیا نال گل بات کرد ے ہوئے شاہد آفریدی دا کہنا سی کہ اوہناں دی خاہش سی کہ عمران خان الیکشن وچ کامیابی حاصل کرن دے بعد خیبرپختونخوا اُتے توجہ دین گے، اوہناں نوں کجھ خاص کرنا چاہیدا کہ لوک آکھن اُتے مجبور ہو جان کہ سانوں ایسراں دا لیڈر
چاہیدا۔
آفریدی دا ہور کہنا سی کہ عمران خان دی سپورٹس شخصیت تے سیاست بالکل وکھ اے۔ اوہناںدا کہنا سی کہ میں عمران خان نوں ویکھ کے ای کرکٹ کھیڈنا شروع کیتی سی۔
قومی ٹیم دے سابق کپتان دا ہور کہنا سی کہ 20سال کرکٹ کھیڈ کے وی اوہناں نوں لاہور منتقل ہونا پیا۔ سپاٹ فکسنگ کیس دے حوالے نال گل بات کردے ہوئے آفریدی دا کہنا سی کہ ایس توں پہلے پاکستان دی بہت بدنامی ہوئی، امید کرنا واں کہ دوبارا ایسراں دی کوئی گل نہیں ہووے گی۔