سڈنی(پاکستان پوائنٹ نیوز05۔جنوری2017ء) قومی ٹیم دے اوپنر اظہر علی تے تجربا کار بلے باز یونس خان نے 56سالہ پرانا عالمی ریکارڈ توڑ دِتا، دوویں بلے بازاں نے 6دے مجموعی سکور اُتے شرجیل خان تے بابر اعظم دے پویلین پرتن دے بعد تیجی وکٹ اُتے 146سکور بناکے ریکارڈ بنایا۔
ایس توں پہلے ایہ ریکارڈ ویسٹ انڈیز دے روہن کنہائی تے سیمورنر دے ناں سی، جہناں نے 1960وچ میلبورن وچ میزبان سائیڈ خلاف اک سکور اُتے
دو وکٹاں گوان دے بعد تیجی وکٹ اُتے 123سکور دی ساجھے داری قائم کیتی سی۔
دوجے پاسے اظہر علی تے یونس خان دی جوڑی نے پاکستانی تواریخ دا 33سالہ پرانا ریکارڈ وی توڑ دِتا۔ یونس خان تے اظہر علی دے 146سانجھے رنز، آسٹریلیا وچ کسے وی پاکستانی جوڑی دی تیجی وکٹ اُتے صرف دوجی سنچری پارٹنر شپ اے۔
ایس توں پہلے اکلوتی پارٹنر شپ 1983وچ پرتھ دے مقام اُتے جاوید میانداد تے قاسم عمر نے 125قائم کیتی سی۔