کینز(پاکستان پوائنٹ نیوز10۔دسمبر2016ء) پاکستان نے تن دِنا ڈے نائٹ پریکٹس میچ وچ آسٹریلیا اے نوں 210سکور توں ہرا دِتا۔
تفصیل دے مطابق کیزلیز سٹیڈیم، کینز وچ کھیڈے گئے میچ دے آخری دن پاکستان نے اپنی دوجی اننگز 6وکٹاں دے نقصان اُتے 216سکور بنا کے ڈکلیئر کر کے میزبان ٹیم نوں جِت لئی 311سکور دا ٹارگٹ دِتا، اظہر علی 82سکور بنا کے میچ دے بہترین کھڈاری رہے جدکہ ناتجربا کار آسٹریلیوی بیٹنگ لائن اپ پاکستانی
باﺅلرز ساہمنے نہ ٹِک سکی تے پوری ٹیم صرف 109سکور بنا کے آﺅٹ ہو گئی۔
ارجن نائر 42سکور بنا کے نمایاں میزبان بلے باز رہے۔ پاکستان ولوں محمد نواز نے 3، محمد عامر تے راحت علی نے دو، دو جدکہ وہاب ریاض تے ظہر علی نے اک، اک کھڈاری نوں آﺅٹ کیتا۔
ایس توں پہلے پاکستان دی پوری ٹیم اپنی پہلی اننگز وچ 208سکور بنا کے آﺅٹ ہو گئی سی جہدے جواب وچ آسٹریلیا اے نے اپنی پہلی اننگز وچ 144سکور بنائے سن۔