ایڈیلیڈ(پاکستان پوائنٹ نیوز22۔نومبر۔2016ء) جنوبی افریقی کپتان فاف ڈوپلیسی ’ولن“ بن گئے، پروٹیز قائد نوں اجے بال ٹمپرنگ کیس توں آزادی وی نہیں ملی سی کہ ایڈیلیڈ ائر پورٹ اُتے پرچاکار نال گرم ہو گئے۔
غیر ملکی میڈیا دے مطابق ایڈیلیڈ وچ آسٹریلیا خلاف تیجے ٹیسٹ میچ لئی ڈوپلیسی ائر پورٹ لتھے تے آسٹریلوی پرچا کار نے اوہناں نال گل بات کرن دی کوشش کیتی پر ڈوپلیسی نے کوئی جواب نہ دِتا تے ٹیم دے سکیورٹی منیجر نے پرچا کار نوں دھکا دِتا، سکیورٹی منیجر
دا کہنا سی کہ پرچا کار حد پار کرن دی کوشش کر رہیا سی جہدے اُتے اوہناں نوں پچھانہ کیتا گیا۔
دوجے پاسے ایہ اطلاعواں نیںکہ ڈوپلیسی تیجے ٹیسٹ وچ جنوبی افریقا دے سکواڈ دا حصہ ہون گے۔یاد رہوے کہ اوہناں اُتے کُجھ دن پہلے بال ٹمپرنگ دا الزام لایا گیا سی پر بال ٹمپرنگ کیس دی سنوائی آسٹریلیا خلاف ایڈیلیڈ وچ ہون والے میچ تیکر ملتوی وی ہو سکدی اے۔
جنوبی افریقا دا کہنا اے کہ دیر دی اک وڈی وجہ ایہ وی اے کہ ڈوپلیسی دے وکیل ایس ویلے مصروف نیں۔