مصباح الحق نے شارجہ ٹیسٹ وچ شکست دا ذمے وار ناقص بلے بازی نوں قرار دے دِتا
شارجہ(پاکستان پوائنٹ نیوز03۔نومبر۔2016ء) قومی ٹیسٹ ٹیم دے کپتان مصباح الحق نے ناقص بلے بازی نوں شارجہ ٹیسٹ وچ شکست دا ذمے وار قرار دے دِتا۔
ویسٹ انڈیز خلاف شارجہ ٹیسٹ ہارن دے بعد گل بات کرد ے ہوئے مصباح الحق دا کہنا سی کہ اسیں سیریز تے اپنے ناں کر لئی اے پر ٹیسٹ میچ ہارنا افسوس ناک اے کیوں جے اسیں اپنی جِت دا تسلسل نہیں سی
توڑنا چاہندے، اسیں بہت ساریاں غلطیاں کیتیاں جہدا ودھیرا فائدا ویسٹ انڈیز نے چُکیاجہدے اُتے اوہ مبارکباد دے حق دار نیں۔
مصباح الحق دا ہور کہنا سی کہ اسیں انتہائی ناقص بلے بازی دا وکھالا کیتا تے شاٹ سلیکشن وی غلط سی جے آخری دن دی پچ اُتے ساڈا سبھ توں چنگا باﺅلر وی گیند سپن نہیں کر سکیا تے ایہ پریشانی دی گل ہوندی اے۔