نویں آئی سی سی ٹیسٹ رینکنگ جاری، یونس خان اک درجے ترقی دے بعد چوتھے نمبر اُتے آ گئے

دبئی(پاکستان پوائنٹ نیوز13۔اکتوبر۔2016ء) آئی سی سی نے نویں ٹیسٹ رینکنگ جاری کر دِتی اے جہدے تحت یونس خان بلے بازاں دی لسٹ وچ اک درجے ترقی دے بعد چوتھے نمبر اُتے آ گئے نیں جدکہ لیگ سپنر یاسر شاہ 6ویں نمبر اُتے موجود نیں۔

تفصیل دے مطابق انٹرنیشنل کرکٹ کونسل نے کھڈاریاں دی نویں ٹیسٹ رینکنگ جاری کیتی اے جہدے مطابق بھارتی آف سپنر روی چندرن ایشون باؤلرز دی فہرست وچ پہلے نمبر اُتے آ گئے نیں جدکہ ساؤتھ افریقا دے ڈیل سٹین دوجے تے انگلش باؤلر جیمز اینڈرسن تیجے نمبر اُتے نیں، انگلینڈ ہی دے سٹیورٹ براڈ چوتھے تے سری لنکن سپنر رنگنا

ہیراتھ 5ویں نمبر اُتے موجود نیں جدکہ پاکستانی لیگ سپنر یاسر شاہ بدستور 6ویں نمبر اُتے موجود نیں، یاسر شاہ دے علاوا کوئی وی پاکستانی بالر ٹاپ ٹین وچ موجود نہیں جدکہ وہاب ریاض 29ویں نمبر اُتے موجود نیں۔

بلے بازاں دی فہرست وچ آسٹریلوی کپتان سٹون سمتھ نے اپنی پہلی پوزیشن برقرار رکھی اے جدکہ انگلینڈ دے جوئے روت دوجے تے جنوبی افریقا دے ہاشم آملہ تیجے نمبر اُتے آ گئے نیں،پاکستان دے یونس خان اک درجے ترقی دے بعد چوتھی پوزیشن اُتے آ گئے نیں۔

قومی ٹیسٹ ٹیم دے کپتان مصباح الحق 10ویں توں بعد11ویں نمبر اُتے چلے گئے نیں۔