ہندستان توں 19 میڈل جِتن والی کرکٹ ٹیم وطن واپس اپڑ گئی،ٹیم دا ڈھول دی تھاپ اُتے شاندار استقبال‘ بھارتی انتظامیا نے تنگ کیتا: کھڈاری
لاہور(پاکستان پوائنٹ نیوز۔27ستمبر 2016) جنگ دا میدان ہووے یاں کھیڈ دا‘ بزل بھارے اوچھیاں حرکتاں توں باز نہیں آندا۔
نویں دِلی وچ ہون والی جنوبی ایشین کرکٹ چیمپئن شپ وچ پاکستان ٹیم نُوں مسلسل تنگ کیتی رکھیا‘ ایہدے باوجود دشمن دے سینے اُتے موگ دَل کے پاکستان کرٹ ٹیم نے 19 میڈل جِتے۔
وطن واپسی اُتے فاتح ٹیم دا شاندار استقبال کیتا گیا۔ تفصیلات دے مطابق بھارت دے شہر نویں دِلی وچ ہون والی چوتھی ساؤتھ ایشین کراٹے چیمپئن
شپ وچ پاکستانی ٹیم نے 19 میڈل جِتے۔
وطن واپسی اُتے کراٹے ٹیم دا ڈھول دی تھاپ اُتے شاندار استقبال کیتا گیا۔ کھڈاریاں دے گھر والیاں نے خوب بلاواں لئیاں تے فیر سیلفیز دا دور وی چلیا۔
کھڈاریاں دا کہنا اے کہ بھارتی انتظامیا نے اوہناں نُوں مقابلیاں دوران مختلف حیلے بہانیاں نال خوب تنگ کیتا تے دھاندلی توں وی باز نہ آئے۔
ایہدے باوجود اوہناں نُوں خُشی اے کہ اوہ دشمں ملک وچ پاکستان دا جھنڈا اُچا کرن وچ کامیاب رہے۔