لاہور(پاکستان پوائنٹ نیوز06۔مارچ2018ء) پی ایس ایل تھری وچ لگاتار ہارن والی لاہور قلندرز دی پوری ٹیم نوں مشہور بزنس ویب سائٹ اُتے ویچن لئی پیش کردتا گیا اے جیہنوں ویکھ کے فرنچائز دے مالک رانا فواد دیاں اکھاں کُھلیاں دیاں کُھلیاں رہ گئیاں۔
تفصیل مطابق پی ایس ایل دی دوجی سبھ توں قیمتی ٹیم لاہور قلندرز دی لگاتار 5ویں ہار مگروں قلندرز دے اک چاہیوان نے دُکھی
ہو کے اپنے دل دی بھڑاس کڈھن لئی پوری ٹیم نوں ای مشہور ویب سائٹ ’ای بے‘ اُتے ویچن لئی پیش کر دتا اے ، جیہدی قیمت اک ڈالر(100) رکھی گئی اے۔
سوشل میڈیا اُتے وائرل ہون والے سکرین شاٹ وچ لاہور قلندرز دے کھڈاری عمر اکمل دی تصویر وکھائی گئی اے جو تصویر وچ انگور کھاندے ہوئے وکھالی دے رہے نیں۔ چیتے رہوے کہ ہن تیکر لاہور قلندر اک وی میچ نہیں جِت سکی۔