ڈھاکا(پاکستان پوائنٹ نیوز20۔نومبر2017ء) قومی ٹیم دے سابق کپتان شاہد آفریدی کول ٹی ٹونٹی کرکٹ وچ بُہتیاں وکٹاں لین والے پاکستانی باؤلر بنن دا چنگا موقع ہتھ آ گیا اے۔
تفصیل مطابق آفریدی نے ہفتے دے دیہاڑے بنگلا دیش پریمئر لیگ وچ ڈھاکا ڈائنامائنس دی نمائندگی کیتی۔شاہد آفریدی نے راجشاہی کنگز خلاف میچ وچ چار کھڈاریاں
نوں آؤٹ کر کے اپنے ای ملک دے پیسر سہیل تنویر دیاں بُہتیاں وکٹاں دا ریکارڈ وی توڑ دتا، جہنے 278کھڈاریاں نوں میدانوں باہر کیتا اے۔
شاہد آفریدی ایس ویلے 281 وکٹاں لے کے آل راؤنڈر یاسر عرفات دے برابر ہو گئے نیں ، جہدے مگروں ہن ڈھاکا دے اگلے میچ وچ اوہناں کول کامیاب ترین ٹونٹی ٹونٹی باؤلر بنن دا چنگا موقع اے۔