لاہور(پاکستان پوائنٹ نیوز13۔نومبر2017ء) قومی ٹیم دے سابق کپتان شاہد آفریدی نے فاسٹ باؤلر عمر گل دی انٹرنیشنل کرکٹ وچ واپسی لئی آواز چُکی اے۔
سابق آل راؤنڈر دا کہنا سی کہ اوہ عمر گل دی انٹرنیشنل کرکٹ وچ واپسی لئی بھرپور حمایت کرن گے کیونکہ اوہ سارے فارمیٹس دی ڈومیسٹک کرکٹ وچ چنگی کارکردگی دا وکھالا کر رہے نیں۔
شاہد آفریدی دا کہنا سی کہ عمر گل نے لمے چِر توں انٹرنیشنل کرکٹ نہیں کھیڈی پر اوہناں نوں میں لیگ کرکٹ کھیڈدے ویکھیا اے جہدے وچ اوہناں نے چنگی کارکردگی دا وکھالا کیتا سی، ایس لئی عمر دی انٹرنیشنل کرکٹ وچ واپسی دا حامی آں۔
یاد رہوے کہ عمر گل یو اے ای وچ ہون والی ٹی ٹین کرکٹ لیگ وچ ’پختون‘ ٹیم دا حصہ نیں۔