لاہور(پاکستان پوائنٹ نیوز22۔جولائی 2017ء) ون ڈے تے ٹی ٹونٹی دی ودھی مقبولیت مگروں کئی ملکاں وچ اج وی ٹیسٹ میچاں دی اہمیت توں کوئی انکار نہیں کیتا جا سکدا پر پاکستان دے اگلے سال دے کرکٹ شیڈول نوں ویکھدے ہوئے لگ رہیا اے کہ ایتھے ایہ فارمیٹ اپنی مقبولیت گوا رہیا اے۔
پاکستانی
ٹیم آؤندے ورھے صرف چار ٹیسٹ کھیڈے گی جہناں وچوں دو ٹیسٹ چالو ورھے متحدہ عرب امارت تے دو ٹیسٹ آؤندے سال انگلینڈ وچ ہون گے۔
گرین شرٹس آؤندے بارھاں مہینیاں دوران کئی ون ڈے میچ کھیڈے گی جہدے نال اوہنوں 2019وچ انگلینڈ اندر ہون والے ورلڈ کپ دیاں تیارں وچ مدد ملے گی۔