کراچی(پاکستان پوائنٹ نیوز30۔جون2017ء) قومی ٹیم دے سابق کپتان یونس خان دا کہنا اے کہ نیوزی لینڈ خلاف اک ٹیسٹ دوران اوہناں نے چیونگ گم سٹمپ کیمرے اُتے لا دتی سی۔
نجی ٹی وی دے پروگرام وچ گل بات کردے ہوئے یونس خان نے انکشاف کیتا کہ نیوزی لینڈ خلاف پاکستان وچ کھیڈے گئے اک ٹیسٹ میچ دوران جدوں ٹیم دی اک وکٹ باقی سی اوس ویلے میں چیونگ گم سٹمپ کیمرے اُتے لا دتی سی پر بعدوں
مینوں اپنی غلطی دا احساس ہویا پر اوس ویلے تیک دیر ہو گئی سی۔
یونس خان مطابق اوہناں دے ایس عمل دی میچ ریفری نوں شکایت کیتی گئی جہدے اُتے اوہناں نوں سدیا گیا کہ جے امپائر نوں ایس دوران کسے فیصلے لئی سٹمپ کیمرے دی لوڑ پے جاندی تے اوہناں لئی فیصلا کرنا ناممکن ہوندا۔
سابق کپتان نے آکھیا کہ اوہناں نے اپنی غلطی مندے ہوئے میچ ریفری توں معذرت کیتی سی۔