لندن(پاکستان پوائنٹ نیوز09۔مارچ2017ء) انگلش کرکٹ ٹیم دے سابق کپتان کیون پیٹرسن سوانیاں دے قومانتری دیہاڑ اُتے ناراض ہو گئے۔
تفصیل دے مطابق سوشل میڈیا اُتے سابق انگلش ٹیم دے کپتان کیون پیٹرسن دی اک ویڈیو تیزی نال وائرل ہو رہی اے جہدے وچ اوہناں نے سوانیاں دے قومانتری دیہاڑ دے موقعے اُتے ایس دن نوں منان اُتے ڈاڈھی تنقید کیتی اے۔
اپنی ذاتی رائے دا وکھالا کردے وئے کیون پیٹرسن نے آکھیا کہ ہر کسے نال ہر روز عزت نال پیش آﺅ،
اک سال وچ صرف اک دن کسے نوں عزت دین وچ مینوں کوئی دلچسپی نہیں، جے کسے نوں اک دن عزت دِتی جائے تے اگلے دن کیہ کیتا جائے؟ سابق انگلش کرکٹر نے آکھیا کہ فادرز ڈے، مدر ڈے، ویمن ڈے یاں ویلنٹائن ڈے منان نال لوکاں نوں کیہ فائدا ہوندا اے، ایہناں ساریاں شیواں نال صرف چاکلیٹاں، پُھل تے شراب ویچن والیاں نوں ای فائدا ہوندا اے۔
اوہناں دا کہنا سی کہ جے کسے نوں عزت دینی ہووے تے اوہدا خیال پورے سال رکھو تے پورا سال اوہنوں عزت دیو۔