بھارت(پاکستان پوائنٹ نیوز25۔جنوری2017ء) بھارتی نجی ٹی وی دے مطابق کناڈا اداکارا پارل یادو اُتے اوہناں دے گھر نیڑے ممبئی وچ آوارا کتیاں دے اک گروہ نے حملا کیتا جہدے مگروں اوہ زخمیاں ہو گئیاں تے اوہناں نوں ہسپتال منتقل کیتا گیا اے۔
تفصیل دے مطابق اداکارا پیدل ٹرن لئی اپنا پالتو کتا لے جا رہیاں سن کہ آوارا کتیاں نے اوہناں دے کتے اُتے حملا کر دِتا، کتے دی حفاظت لئی اداکارا اگانہ ودھیاں
تے ایس دوران آوارا کتیاں نے اوہناں نوں زخمی کر دِتا۔
اداکارا دی بھین شیتل دا کہنا اے کسے نے وی اوہناںدی بھین نوں کتیاں توں نہیں بچایا جدکہ مبینہ طور اُتے گوانڈھیاں وچوں کوئی بندا میری بھین دی مدد لئی آیا پر اوس ویلے تک پارل ڈاڈھی زخمی ہو گئی سی، اوہدے ہتھاں، پیراں تے دھون اُتے وڈھن دی وجہ توں زخمی بن گئے سن۔
اداکارا نوں ہسپتال منتقل کر دِتا گیا اے جہدا علاج جاری اے۔