ممبئی(پاکستان پوائنٹ نیوز02۔جنوری2017ء) بالی ووڈ سپر سٹارز سلمان خان تے شاہ رخ خان ایوارڈ تقریب وچ فلم ’کرن ارجن‘ دے جذباتی منظر ویکھ کے رُو پئے۔
تفصیل دے مطابق بھارت دے فلم سٹی ممبئی وچ پچھلے دِناں ’سٹار سکرین ایوارڈ‘ دی تقریب دا پربندھ کیتا گیا، تقریب وچ مشہور فلمی ستاریاں نے رلت کیتی جدکہ تقریب وچ فلم نگری دے خانز شار خان تے سلمان اکٹھے سٹیج اُتے پرفارمنس لئے آئے تے اپنی دوستی نوں لازوال قرار دیندے ہوئے دوواں
اک دوجے نوں بھرا آکھیا۔
تقریب دوران بالی ووڈ سٹار شاہ رخ تے سلمان خان دی موجودگی وچ 1995وچ ریلیز ہون والی فلم ’کرن ارجن‘ دے کئی جذباتی منظر وکھائے گئے، جہنوں ویکھ کے دوویں خانز رُو پئے جدکہ ایس موقعے اُتے کنگ خان سلو میاں دے اتھرو پونجھدے نظر آئے، جہدے بعد پورے ہال وچ تالیاں دی آواز سُنائی دِتی۔
یاد رہوے کہ سلمان خان تے شاہ رخ خان پہلاں اک دوجے دے خلاف رہے نیں پر ہن دوواں دی دوستی اک وار فیر مضبوط ہوگئی اے۔