ممبئی(پاکستان پوائنٹ نیوز20۔دسمبر2016ء) بالی ووڈ دے سلطان سلمان خان اپنیاں دوستیاں تے ویاہ دے حوالے نال ہمیشہ خبراں وچ رہندے نیں، اوہناں دی پچھلی گرل فرینڈ لولیا وینتر نال اوہناں دا ویاہ ہوندے ہوندے رہ گیا۔
دوواں ولوں آخری وار دِتے گئے بیان مطابق اوہ دوویں بہت چنگے دوست نیں، ایس توں زیادا کُجھ نہیں۔ ایس توں وکھ بھارتی میڈیا وچ ایہ وی افواہواں گھم رہیاں سن کہ لولیا وینتر دل گھٹا ہون پاروں انڈیا چلے گئیاں نیں۔
پر ہن لولیا واپس آ گئیاں نیں تے نہ صرف واپس آ گئیاں نیں بلکہ سلمان
نال اوہناںنوں ویکھیا وی جا رہیا اے۔ پچھلے دیہاڑے بھارتی بزنس مین ولوں دِتی جان والی پارٹی وچ سلمان دے نال اوہناں دی گڈی وچ اک پراسرار کُڑی نوں ویکھیا گیا، غور کرن اُتے پتا لگا کہ اوہ کوئی ہور نہیں بلکہ لولیا وینتر سی۔
کار وچوں اُترن ویلے جدوں لوکاں نے اوہناں دی تصویر لین دی کوشش کیتی تے سلمان خان تھوڑے غصے وچ آ گئے پر دوواں دی اکٹھے پارٹی وچ انٹری دی تصویر نے بھارتی میڈیا وچ رولا پا دِتا اے تے افواہواں نیں کہ اوہناں نے اپنے رشتے نوں اک وار فیر موقع دین دا فیصلا کیتا اے۔