بھارت(پاکستان پوائنٹ نیوز02۔مارچ2018ء) مشہور اداکارہ سری دیوی دی لاش نوں میک اپ کرن والی میک اپ آرٹسٹ دا اہم بیان ساہمنے آگیا۔
تفصیل مطابق مشہور بھارتی اداکارہ دی موت دبئی دے ہوٹل وچ ہوئی۔ میڈیا رپورٹس مطابق سری دیوی دی موت باتھ روم وچ ٹپ وچ ڈُبن دی وجہ توں ہوئی۔
سری دیوی دیاں آخری رسماں بھارت وچ ادا کیتیاں گئیاں تے اوہناں نوں اک ووہٹی وانگ تیار کیتا گیا۔ اداکارہ سری دیوی نوں آخری وار میک اپ کرن والی نور جہاں انصاری نے دسیا کہ جدوں اسیں سری دیوی
دا آخری وار میک اپ کر رہے ساں اودوں اداکارہ رانی مکھر جی وی ساڈے نال سن۔
سری دیوی نوں بندیا تے لپ سٹک بہت پسندی سی ایس لئی اوہناں نوں بندیا تے لپ سٹک لائی۔نور جہاں انصاری دا کہنا سی کہ عام طور اُتے اوہناں دے میک اپ وچ اک گھنٹہ لگدا سی پر آخری میک اپ کرن وچ صرف 5منٹ لگے ، 5منٹ وچ میک اپ ایس لئی نہیں ہویا کہ میں کوئی جلد بازی کیتی بلکہ اوہناں دا آخری میک اپ ایس لئی چھیتی ہوگیا کہ سری دیوی نے سانوں ٹوکیا نہیں کیونکہ اوہ ہمیشہ لئی چُپ ہو گئیاں سن۔