حیدر آباد(پاکستان پوائنٹ نیوز18۔دسمبر2017ء) بھارتی ریاست حیدر آباد وچ پولیس نے فحاشی دے اڈے اُتے چھاپہ ماریا، چھاپے دوران دو اداکاراں سنے 4بندیاں نوں گرفتار کر لیا گیا اے۔
پولیس نے دسیا کہ چھاپہ پوش علاقے وچ موجود اک فائیو سٹار ہوٹل اُتے ماریا گیا۔ گرفتار ہون والیاں اداکاراں وچوں اک اداکارہ دا تعلق بالی ووڈ انڈسٹری جدکہ دوجی دا ٹی وی انڈسٹری توں اے۔
پر پولیس
نے اجے تیکر گرفتار اداکاراں دی شناخت نہیں دسی۔ پولیس دا کہنا اے کہ اداکاراں نال دو بندیاں نوں وی گرفتار کیتا گیا جو آن لائن اپنا کاروبار چلاندے تے فائیو سٹار ہوٹلاں وچ کمرے بُک کرواندے سن۔
بعدوں پولیس نے اک ہور فائیو سٹار ہوٹل اُتے چھاپہ ماریا جتھوں ہور دو بندیاں نوں گرفتار کر لیا گیا۔ پولیس دا کہنا اے کہ گرفتار بندیاں توں تفتیش کیتی جا رہی اے۔