لاہور(پاکستان پوائنٹ نیوز11۔جنوری2017ء) گڈیاں چوری کرنا ٹریکرسسٹم آن دے بعدچوراں لئی تھوڑا مشکل کم ہو گیا سی پر ہن چوراں نے گڈیاں چوری کرن دا نواں طریقا لبھ لیا اے۔
چوراں نے گڈیاں چوری کرن لئی کوڈز چوری کرنے شروع کر دِتے نیں۔ اوس کوڈ چوری کرن والے آلے دی مدد نال چور وائرلیس چابی راہیںگڈی نوں لاک کرن والے کوڈ نوں حاصل کر سکدے نیں۔
مارکیٹ وچ آن والےاں جدید گڈیاں وائرلیس لاک تے جدید قسم دے ریمورٹ کنٹرول راہیں کم کردیاں نیں جہناں دے کوڈز نوں چوراں کول موجود جدید سسٹم دی مدد نال آسانی نال حاصل کیتا جا سکدا اے۔
جیویں ای تُسیں اپنی گڈی نوں لاک کرو گے تے کوئی وی نیڑے کھلوتا چور اپنی ڈیوائس نوں ورتدے ہوئے تہاڈا کوڈ چوری کر لوے گا تے بغیر
آلارم وجائے اوہ تہاڈی گڈی دا لاک کھول سکے گا۔
ایس طرحاں دے چوراں توں بچن لئی وی تہانوں سیانپ توں کم لینا پئے گا۔ گڈی نوں لاک کرن اُتے جے پہلی وار لاک دی آواز سنائی دےوے تے سمجھ جاﺅ کہ کوئی تہاڈی گڈی اُتے نظر رکھ رہیا اے، جے زیادا پینڈے توں وی تہاڈی کار ان لاج ہو جائے تے اوہدا مطلب اے کہ چور نے تہاڈا کوڈ لے کے تہاڈی گڈی کھول لئی اے۔
اوہدا اک حل ایہ وی اے کہ اپنی گڈی نوں پبلک پلیس اُتے وائرلیس دی ہولڈر راہیں لاک نہ کرو۔ گڈی وچ موجود اپنی تے اپنے گھر والیاں دیاں قیمتی شیواں نوں محفوظ کرن لئی تہانوں چاہیدا اے کہ تُسیں دوجے طریقے نال اپنی گڈی نوں لاج کرو، پر ایس حوالے نال سکیورٹی اداریاں ولوں ہور تفصیلاں آنیاں اجے باقی نیں۔