سپریم کورٹ وچ پاناما کیس دی سنوائی کل تک ملتوی اج پی ٹی آئی نے موقف دِتا کہ پاناما نوں بُھل جاﺅ: مریم اورنگزیب

اسلام آباد(پاکستان پوائنٹ نیوز10۔جنوری2017ء) سپریم کورٹ وچ پاناما کیس بارے درخاستاں اُتے روز وار سنوائی دا سلسلا جاری اے۔

اج سپریم کورٹ وچ پاناما کیس دی سنوائی دوران نعیم بخاری نے دلائل دِتے۔ سنوائی دوران جسٹس آصف نے آکھیا کہ قطری خط وچ سُنی سُنائی گل اے۔

اوہناں نے آکھیا کہ قطری خط دی قانونی حیثیت اُتے سوال کیتا جا سکدا اے۔ دوجے فریق نوں وی ایس حوالے نال سُن کے کوئی فیصلا کراں گے۔

سنوائی ملتوی ہون دے

بعد میڈیا نال گل بات کردے ہوئے وزیر مملکت مریم اورنگزیب نے آکھیا کہ اج عدالت وچ پی ٹی آئی نے اک ہور موقف اختیار کیتا کہ پاناما نوں بُھل جاﺅ۔

اوہناں نے آکھیا کہ عمران خان صاحب تُسیں پاناما نوں بُھل جاﺅ گے پر اسیں نہیں بُھلاں گے۔ مریم اورنگزیب دا کہنا سی کہ پی ٹی آئی نے وزیر اعظم دی پارلیمنٹ وچ کیتی گئی تقریر اُتے وی گل کیتی۔

اوہناں دا کہنا سی کہ پی ٹی آئی نوں ایس وار اسیں پتلی گلی توںنَسن نہیں دیاں گے۔