طیبہ دیاں چیخاں پورا محلا سُندا سی،مالک اوہدے اُتے تشدد کردے تے اوہنوں بھوئیں اُتے سواندے سن: علاقہ واسی
اسلام آباد(پاکستان پوائنٹ نیوز04۔جنوری2017ء) ایڈیشنل سیشن جج دی بیوی دے گھریلو ملازمہ طبیہ اُتے مبینہ تشدد بارے علاقہ واسی، سکیورٹی گارڈ تے کوڑے والا وی بول پیا۔
ایڈیشنل سیشن جج دے گوانڈھیاں نے دسیا کہ 10ورھیاں دی طیبہ دیاں چیخاں پورا محلا سُندا سی۔ میڈیا رپورٹ دے مطابق علاقہ واسیاں نے دسیا کہ محلے دے لوکاں نے جا کے آکھیا کہ بالڑی سانوں دے دیو پر اوہناں نے انج
نہیں کیتا۔
علاقہ واسیاں دا کہنا سی کہ بالڑی نوں سردی وچ بھوئیں اُتے سوایا جاندا سی۔ کوڑے والے نے دسیا کہ بالڑی روز سانوں کوڑا دیندی سی پر اوہدے مکھ اُتے مایوسی ہوندی سی۔
ایسے طرحاں سکیورٹی گارڈ دا کہنا سی کہ بالڑی دَسدی سی کہ مینوں مالک ماردے نیں، روٹی وی نہیں دیندے۔ میڈیا رپورٹ دے مطابق بالڑی دی تنخاہ 5ہزار سی جو پیو دا قرضا لاہن واسطے دِتی جاندی سی۔