لاہور(پاکستان پوائنٹ نیوز28۔دسمبر2016ء) پاکستان ریلوے نے ریل گڈیاں وچ ٹریکنگ تے جی پی ایس سسٹم لان دا فیصلا کرلیا۔
تفصیل دے مطابق محکما ریلوے دے جی ایم جاوید انور نے دسیا کہ پاکستان ریلوے نے ریل گڈیاں اندرٹریکنگ تے جی پی ایس سسٹم لان دا فیصلا کیتا اے۔
اوہناں دا کہنا سی کہ ایس سسٹم دے تحت مسافراں نوں سفر شروع کرن توں لے کے منزل
اُتے اپڑن تیکر اپ ڈیٹ رکھیا جائے گا۔
اوہناں دا کہنا سی کہ ٹریکنگ تے جی پی ایس سسٹم نال مسافراں وچ اناﺅنسمنٹ کرن دے نال نال گڈیاں دی سپیڈ وی دَسی جائے گی۔
جی ایم ریلوے دا کہنا سی کہ پہلے مرحلے وچ ایہ سسٹم لاہور توں پشاور تیکر جان والی گڈی اندر لایا جائے گا جدکہ ایس سسٹم نوں گڈیاں وچ لان دا ٹھیکا نجی کمپنی نوں دِتا جائے گا۔