ڈبلیو ٹی او دے 14نویں رکن ملکاں نے پاکستان نوں پسندیدا ترین ملک دا درجا دِتااے: خرم دستگیر بھارت نے پاکستان دیاں وستاں لئی نان ٹریف اوکڑاں پیدا کیتیاں نیں: وفاقی وزیر تجارت

اسلام آباد(پاکستان پوائنٹ نیوز23۔دسمبر2016ء) وفاقی وزیر تجارت خرم دستگیر نے آکھیا اے کہ ڈبلیو ٹی او دے قانون مگروں بھارت نے پاکستان دیاں وستاں لئی نان ٹیرف اوکڑاں پیدا کیتیاں جدکہ ڈبلیو ٹی او دے 14نویں رکن ملکاں نے پاکستان نوں پسندیدا ترین ملک دا درجا دِتا اے۔

تفصیل دے مطابق جمعے نوں ایوان بالا دے اجلاس وچ سوالاں دے وقفے دوران سینیٹر عتیق شیخ تے ہور ارکان دے سوالاں دے جواب وچ وفاقی وزیر دا کہنا سی کہ پاکستان نے ڈبلیو ٹی او دے رکن دی حیثیت نال بھارت تے اسرائیل دے سوا سارے ڈبلیو ٹی اوتے رکن ملکاں نوں پسندیدا

ملک دا درجا دین دی پیشکش کیتی اے۔

ڈبلیو ٹی او دے ارکان دی گنتی 164اے۔ اوہناں دا کہنا سی کہ تجارت لئی کسے ملک نوں پسندیدا قرار دین دا مقصد اوہناں نوں برابر دے تجارتی فائدے دینا اے۔

اوہناں دا کہنا سی کہ بھارت نے ڈبلیو ٹی او دا رکن ہون دے مگروں وی پاکستان نوں تجارت لئی سہولتاں نہیں دِتیاں تے جہدی وجہ توں نان ٹریف اوکڑاں پیدا ہوئیاں نیں۔

وفاقی وزیر دا ہور کہنا سی کہ اسیں افریقا تے ہور ملکاں نال تجارت ودھان لئی کم کر رہے آں تے ایس سلسلے وچ مختلف ملکاں وچ نمائشاں دا پربندھ وی کیتا جا رہیا اے۔