قسمت بیگ دے قتل دیاں تحقیقات وچ پیشرفت ہوئی اے: صوبائی وزیر قانون رانا ثناءاللہ

لاہور(پاکستان پوائنٹ نیوز02۔دسمبر2016ء) صوبائی وزیر قانون رانا ثناءاللہ دا کہنا اے کہ قسمت بیگ دے قتل دیاں تحقیقات وچ پیش رفت ہوئی اے۔

اوہناں نے آکھیا کہ قسمت بیگ دا قتل ڈکیتی دی واردات نہیں بلکہ ٹارگٹ کلنگ اے۔ اوہناں دا کہنا سی کہ پوموٹر مزل دی ہدایت اُتے عمل نہ کرن دی وجہ توں قسمت بیگ نوں قتل کیتا گیا، قسمت بیگ نوں مزمل نامی بندے سنے 3توں چار بندیاں نے اناکی پاروں قتل کیتا۔

اوہناں نے آکھیا کہ جھنگ وچ آزاد امیدوار دے جِتن دی وجہ ساڈے امیدوار نوں نااہل قرار دینا

اے، جھنگ وچ ضمنی الیکشن دی انتخابی مہم لئی سانوں گھٹ ویلا ملیا۔

اوہناں نے آکھیا کہ جھنگ وچ کوئی دھاندلی نہیں ہوئی، الیکشن صاف تے شاف ہویا اے۔ اوہناں نے آکھیا کہ جھنگ وچ حق نواز جھنگوی دی عوام وچ بہت پذیرائی اے۔

رانا ثناءاللہ دا کہنا سی کہ پیپلز پارٹی اک وفاقی جماعت اے تے اوس جماعت نے جمہوریت لئی وڈیاں قربانیاں دِتیاں نیں۔

اوہناں دا کہنا سی کہ پیپلز پارٹی پنجاب دا دوبارا متحریک ہونا چنگی گل اے پر بلاول بھٹو زرداری دی غلط رہنمائی کیتی جا رہی اے۔