پاکستان پانی دے اک اک قطرے لئی لڑے گا:بلاول بھٹو سندھ طاس سمجھوتے دے تحت پانی دی ونڈ دا فارمولا واضح اے،مودی ایس طرحاں دے ہتھکنڈیاں نال کشمیری عوام اُتے بھارتی ظلماں توں توجہ نہیں ہٹا سکدا: چیئرمین پیپلز پارٹی دا بھارتی وزیراعظم دے خطاب اُتے ردعمل

کراچی(پاکستان پوائنٹ نیوز25۔نومبر۔2016ء) پیپلز پارٹی دے چیئرمین بلاول بھٹو زرداری نے آکھیا اے کہ پاکستان پانی دے اک اک قطرے لئی لڑے گا، سندھ طاس سمجھوتا واضح اے، مودی ایس طرحاں دے ہتھکنڈیاں نال کشمیری عوام اُتے بھارتی ظلماں توں توجہ نہیں ہٹا سکدا۔

تفصیل دے مطابق بھارتی وزیر اعظم مودی دے پاکستان مخالف بیان اُتے ردعمل دیندے ہوئے بلاول بھٹو دا کہنا سی کہ مودی اپنی لوکائی نوں دھوکھا دے رہیا اے، مودی اپنیاں چالبازیاں توں باز رہوے۔

اوہناں دا کہنا سی کہ سندھ طاس سمجھوتے دے تحت پانی دی ونڈ دا فارمولا واضح اے۔ اوہناں نے آکھیا کہ مودی ایس طرحاں دے ہتھکنڈیاں نال کشمیری لوکائی اُتے بھارتی ظلماں توں توجہ نہیں ہٹا سکدا۔

یاد رہوے کہ بھارتی وزیر اعظم مودی نے اج خطاب کردے ہوئے پاکستان اُتے سندھ طاس سمجھوتے دی خلاف ورزی دا جھوٹھا الزام لایا اے جدکہ مودی نے اپنی لوکائی نوں سچ دے اُلٹ انھیرے وچ رکھدے ہوئے اک وار فیر سرجیکل سٹرائیک دا پروپیگنڈا وی کیتا۔