سابق گورنر سندھ عشرت العباد دے گھر والے اجے وی گورنر ہاﺅس وچ موجاں مار رہے
کراچی(پاکستان پوائنٹ نیوز18۔نومبر۔2016ء) ڈاکٹر عشرت العباد تے گورنر ہاﺅس توں چلے گئے پر اوہناں دے گھر والے اجے وی گورنر ہاﺅس وچ رہ رہے نیں جہدی وجہ توں نویں گورنر دی فیملی گورنر ہاﺅس منتقل نہیں ہو سکی۔
سابق گورنرسندھ ڈاکٹر عشرت العباد نوں گورنر ہاﺅس توں گیاں اک ہفتہ توں زیادا دن ہو گئے ، اوہ 14ورھے سندھ دے گورنر رہے۔
عہدے توں ہٹن دے بعد اوہ 14گھنٹیاں وچ ملکوں باہر چلے گئے پر اوہناں دے گھر والے اجے وی گورنر ہاﺅس
وچ رہ رہے نیں۔
نجی ٹی وی دے مطابق ایہو وجہ اے کہ نویں گورنر جسٹس ریٹائرڈ سعید الزماں صدیقی تے اوہناںد ے گھر والے اجے سرکاری گھر وچ منتقل نہیں ہو سکے۔
وسیلیاں نے ایہ وی دسیا اے کہ گورنر ہاﺅس انتظامیا نے جسٹس (ر) سعید الزماں صدیقی نوں گورنر ہاﺅس دے مہمان خانے وچ رہائش دی پیش کش کر دِتی اے۔
ایہو نہیں سابق گورنر سندھ دے قریبی رشتے دار فیروز اختر وی کنٹرول پرنٹنگ پریس دی رہائش گاہ اُتے قبضہ کیتے ہوئے نیں۔