پشاور(پاکستان پوائنٹ نیوز17۔نومبر۔2016ء) خیبر پختونخوا وچ آثار قدیمہ وچ برائیڈل فوٹو شوٹ اُتے پابندی لا دِتی گئی اے۔
تفصیل دے مطابق آثار قدیمہ وچ برائیڈل فوٹو شوٹ اُتے پابندی لا دتی گئی اے جہدے تحت سیٹھی ہاﺅس سنے ہور آثار قدیمہ دیاں تھاواں اُتے برائیڈل شوٹ اُتے پابندی ہووے گی۔
محکما آثار قدیمہ دے مطابق برائیڈل فوٹو شوٹ لئی فیس وصولی اُتے غور کیتا جا رہیا اے، آثار قدیمہ وچ برائیڈل شوٹ لئی 5توں 30ہزار رُپئے لِتے جان گے، محکما آثار قدیمہ دے وسیلیاں نے دسیا کہ ایس ویلے آثار قدیمہ وچ پرائیوٹ شوٹ دی فیس دو سو رُپئے جدکہ کمرشل فوٹو شوٹ دی فیس 5ہزار رُپئے اے۔