میئر کراچی وسیم اختر نے جیل وچ گزاری زندگی بارے کتاب لکھن دا اعلان کر دِتا
کراچی(پاکستان پوائنٹ نیوز16۔نومبر۔2016ء) میئر کراچی وسیم اختر نے جیل وچ گزاری زندگی بارے کتاب لکھن دا اعلان کر دتا۔
39مقدمیاں وچ ضمانت ہون دے بعد وسیم اختر نوں جیل توں رہائی مل جائے گی، آخری مقدمے وچ وی ضمانت دے بعد میئر کراچی وسیم اختر نے جیل وچ گزاری زندگی بارے کتاب لکھن دا اعلان کر دِتا اے۔
وسیم اختر دا کہنا سی کہ جیل توں رہائی دے
بعد میں اک کتاب لکھاں گا، اپنی کتاب وچ جیل وچ گزارے سارے ویلے بارے وی لکھاں گا۔
انسداد دہشت گردی عدالت وچ میڈیا نال گل بات کردے ہوئے وسیم اختر نے آکھیا کہ سینٹرل جیل کراچی تے اڈیالہ جیل وچ گزریا ویلا میری زندگی دا نہ بُھلن والا واقعا اے۔
اوہناں دا ہور کہنا سی کہ اپنی کتاب وچ بنن والی جے آئی ٹی بارے وی تفصیلی طور اُتے لکھاں گا۔