جاوید ہاشمی نے لاہور نوں وکھ صوبا بنان دا مطالبا کر دِتا نِکے صوبیاں نوں نظر انداز نہ کیتا جائے، ڈونلڈ ٹرمپ 5سال پورے نہیں کر سکے گا: پریس کانفرنس
ملتان(پاکستان پوائنٹ نیوز12۔نومبر۔2016ء) سینئر سیاستدان تے سابق وفاقی وزیر جاوید ہاشمی نے لاہور نوں وکھ صوبا بنان دا مطالبا کر دِتا، نکے صوبیاں نوں نظرانداز نہ کیتا جائے، ڈونلڈ ٹرمپ 5سال پورے نہیں کر سکے گا، بنیادی طور اُتے مسلم لیگی آں، مسلم لیگ وچ جانا چاہواں تے کوئی نہیں روک سکدا۔
تفصیل دے مطابق اج پریس کانفرنس نال خطاب کردے ہوئے جاوید ہاشمی دا کہنا سی کہ امریکا دے الیکشن نے دَس دِتا کہ اکثریت دا ووٹ تباہی دا باعث اے۔
ڈونلڈ ٹرمپ 5سال پورے نہیں کرے سکے گا۔ اوہناں دا کہنا سی کہ امریکی قوم ای اقلیتاں دی اے جدکہ اوہناں نے اپنی پریس کانفرنس دوران لاہور نوں وکھ صوبا بنان دا مطالبا وی کیتا۔
اوہناں دا کہنا سی کہ نکے صوبیاں نوں نظر انداز کیتا جا رہیا اے۔ جاوید ہاشمی نے آکھیا کہ پاک فوج وچ دوجیاں فوجاں دی نسبت بہت زیادا صلاحتاں نیں۔
اوہناں نے آکھیا کہ بنیادی طور اُتے مسلم لیگی آں، مسلم لیگ وچ جانا چاہواں تے مینوں کوئی نہیں روک سکدا۔